Umbhalo nezithombe

by Londeka Dlamini

Ibiseqophelweni eliphezulu inkonzo yokugcotshwa kwabefundisi bebandla iVictory Ministries Church International (VMCI) eThekwini ebibanjelwe ehholo lomphakathi eWiggins endaweni yase Mayville, ngoMgqibelo zingumhlaka 1 February 2014.

UBonisile Magwaza kanye no Skhumbuzo Sbisi sebegcotshwe ngokusemthethweni ukuba ngabefundisi, kwazise ibilindelwe ngabovu lenkonzo ebandleni laseVMCI. Ububona nendlela obekuhlelwe kahle ngayo. Ngenyanga edlule umama umfundisi uZungu ekhuluma nebandla, wanxusa abazalwane ukuba baxhase kubanjiswane ukuze into yebandla ibe yinhle esho nokuthi kukhomba ukukhula kabandla uma kwanda abefundisi.
”Kugcotshwa umyeni wami lalingakandi kangaka ibandla ngakho ngifisa lenkonzo ibe sezingeni ukuze nezwe libone ukuthi nebandla eliwuloluhlobo liyakwazi ukwenza into enhle” kubeka umama umfundisi.

Ibihanjelwe abefundisi abaningi lenkonzo phakathi kwabo kukhona nomfundisi uNokuthula Dhladhla wasesifundazweni sase Free State naye oshade nowobulili obufana nobakhe. Kubekhona isikhathi lapho omunye wabefundisi ecele khona ukubeka umfundisi uZungu nomndeni wakhe izandla ngenjongo yokumqinisa emsebenzini awenzayo wokusebenzela uNkulunkulu.

Izolo kuyiSonto siphinde sahambela lona lelibandla iVMCI inkonzo ibemnandi kakhulu. Kusabungazwa ukugcotshwa kwabefundisi, ikomidi eliphezulu ebandleni lidlulisa ukubonga kubazalwane ngokusebenzisana kahle inkonzo yomgcobo yaba impumelelo.
Inkonzo ibiphethwe umfundisi uDhladhla obekade ekhona nasenkonzweni yomgcobo.
Eqala intshumayelo yakhe usilandise kafushane ngaye ukuthi akayena ubaba umfundisi kodwa uyakuthokozela ukubizwa ngomfundisi uDhladhla nje noma uNokuthula, wasukumisa nesthandwa sakhe athe usithanda kakhulu, enxusa nabazalwane bonke ukuba uma uphila impilo yobutabane kubalulekile ukuba uzazi.
Kanti-ke uma ungathanda nawe ukuhlanganyela ne VMCI ungabavakashela eThekwini eDiakonia Centre.

Hhiya-ke, kuze kubengokuzayo!!!
WOZ’ E-DURBAN!!

Previous by Londeka and related articles

2014 Jan.5: Ishaya ngolunye unyawo I-VMCI kulonyaka

and

2013 Dec. 22: ”Indlela enilingwa ngayo ukuba nibizwe ngezitabane”

and

2013 Dec. 16: “Sibonga uMadiba ngokulwela inkululeko yethu”

and

2013 Sept. 19: Ikhiphe Icwecwe layo lokuqala i Victory Ministries (VMCI)

and

2013 September 1: Bafake umfaniswano omama nobab’ umfundisi

and

2013 June 18: New Brand For House Music Lovers

and

2013 June 16: Zishade libalele izitabane

and

2013 June 15: The Durban Lesbian Wedding of the Year